Рагимат Гаджиева - Дустариз (на стихи Етима Эмина) | Текст песни

• Тексты песен
• Рагимат Гаджиева
• Дустариз (на стихи Етима Эмина)

Хабар кьуртIа зи гьалдикай дустари,
Шукур аллагь, хъсан я, лагь дустариз.
ТIалабирди чпивай зи къастари
Хийир-дуьа, игьсан я, лагь дустариз.
* * *
Хажалатар, хифетар зи дерин я,
Заз алахьай гуьлуьшан югъ серин я.
Вил атIудач дуьньядихъай - ширин я,
Айиб мийир, инсан я, лагь дустариз.

* * *
Жув хьайила эвел халкьдин арада,
Гила хелвет хажалатдин кьурада.
Дердерикай хабар кьадач чарада,
Дуьньядин гъам гьижран я, лагь дустариз.

* * *
Бенде авач гьал гьикI ятIа аквадай,
Дердиникай хабар кьуна рахадай,
Фугъарадин гьакъикъатда акьадай.
Бей-адалат дуван я, лагь дустариз.

* * *
Дустариз лагь: гъафил тахьуй ахвара,
Эхир нефес жезава, лагь, мукьвара.
Етим Эмин амач лугьуз, фугъара, -
Квез жериди са ван я, лагь дустариз.

Рагимат Гаджиева еще тексты