Радик Динахметов - Солдат | Текст песни

• Тексты песен
• Радик Динахметов
• Солдат

Солдат
Роберт Тимербаев көе Вәлит Илембәтов сүзләре

Яу кырында, яшь салдатның,
Йөрәгеннән кан тамды.
Шунда үскән ак чәчәкләр,
Кып-кызыл булып калды.
Гомере бетте, ә бит егет,
Гөлләрне назламаган.
Ярата дип, яратмый диеп,
Таҗларын санамаган.

Егет алды чәчәкләрне,
Гашыйклар өзсен өчен.
Бу дөнъяның матурлыгын,
Башкалар күрсен өчен.
Гомере бетте, ә бит аның,
Унтугызы тулмаган.
Бу егет бит бер кызгада,
Әле гашыйк булмаган.

Ачы яшен йотты ана,
Күңелкәйләре тулып.
Җиңү һәм тынычлык кайтты,
Кулыннан сәлам булып.
Яшь егетнең гомеркәе
Өзелде яу кырында.
Юк, ул яши, мәңге яши,
Балкып кояш нурында.

Егет алды чәчәкләрне,
Гашыйклар өзсен өчен.
Бу дөнъяның матурлыгын,
Башкалар күрсен өчен.
Гомере бетте, ә бит аның,
Унтугызы тулмаган.
Бу егет бит бер кызгада,
Әле гашыйк булмаган.

Радик Динахметов еще тексты