Раяз Ф. татар фольклор ансамбль - Пар ат (татар халык җыры, Г.Тукай шигыре) | Текст песни

• Тексты песен
• Раяз Ф. татар фольклор ансамбль
• Пар ат (татар халык җыры, Г.Тукай шигыре)

Җиктереп пар ат, Казанга туп-туры киттем карап;
Чаптыра атларны кучер, суккалап та тарткалап.

Кич иде. Шатлык белән нурлар чәчеп ай ялтырый;
Искән әкрен җил белән яфрак, агачлар калтырый.

Сау бул инде, хуш, бәхил бул, и минем торган җирем,
Мин болай, шулай итәм дип, төрле уй корган җирем.

Бер тавыш килде колакка, яңгырады бер заман:
«Тор, шәкерт! Җиттек Казанга, алдыбызда бит Казан».