Раяз Фасыйхов - Кил син | Текст песни

• Тексты песен
• Раяз Фасыйхов
• Кил син

Галиәхмәт Гатин сүзләре,
Илгиз Зарипов көе.

Бер күрүдә сине мин яраттым,
Бер күрүдә ачылды серләр.
Синең күзләр калды минем күздә,
Килмисең син, кайда вәгъдәләр?

Кушымта:
Кил син бүген, бәгърем, соңлама син,
Ак чәчәкләр тотып кулыңа.
Сине күрү миңа нинди бәхет.
Сарылырмын җылы куйныңа.

Сабырлыгым җуеп сине көтәм,
Килүеңне таныш сукмактан.
Килсәң сиңа әйтер сүзләрем бар:
Мин бит сине өзелеп сагынган.

Кушымта

Төшемдә дә хәтта назың тоеп,
Кереп китәм синең кочакка.
Йөрәгемә башка ояласа,
Соң булыр бит, бәгърем, ул чакта.

Кушымта

Раяз Фасыйхов еще тексты