Револь Ғималов - "Йән дуҫҡа". (Рита Фәтҡуллина һүҙ., Револь Ғималов көйө.) | Текст песни

• Тексты песен
• Револь Ғималов
• "Йән дуҫҡа". (Рита Фәтҡуллина һүҙ., Револь Ғималов көйө.)

Йән дуҫҡа

Осраштырмаҫ яҙмыш беҙҙе юҡҡа…
(Асылмаған күпме серҙәр бар).
Беҙ – донъялар яралғандан алып
Йәнәш осоп барған торналар.

Һауаларға бергә күтәрелдек,
Бер үк бейеклекте һайланыҡ.
Дәғүәһеҙ генә иң терәштек
Тойған саҡта ҡанат талғанын.

Күктәр сикһеҙлеге әйҙәгәндә,
Ҡеүәт – уртаҡ,
Маҡсат – юғары.

Аусы көбәгенән осҡан йәҙрә
Юлды киҫә кинәт,
иманһыҙ.

Яраланды, түбән төшөр тиеп,
Ҡанһыҙ ҡараш ярһып көткәндә,
Мин арҡама һине һалып осам
Ошо көйө, ошо кимәлдә.

Күҙеңдән – йәш, яраңдан – ҡан тама
Тып-тып итеп тура йәнемә.
Һин ҡабаттан мең ҡат тыуасаҡһың,
Керер өсөн минең хәлемә.

Беҙҙең осош – яҡты осош, дуҫым,
Аҫта – болот, өҫтә - ҡояш, ай.
“Торойҡ, торайыҡ!” оран
Донъяларҙы иңләп яңғырай.


Револь Ғималов еще тексты