Револь Ғималов - Урбанизация (Live) | Текст песни

• Тексты песен
• Револь Ғималов
• Урбанизация (Live)

Урбанизация

Шаҡмаҡ… эсендә…
Шаҡмаҡ…
Шаҡмаҡ… эсендә…
Шаҡмаҡ…
Ҡала,
Алдат
Әйҙә.

Ҡатлы-ҡатлы дүрткел донъяла
Түңәрәк тормошҡа
Дәғүә итһен
Ғүмере буйы
Бәндә.

Йәшерен яҙмыштар йәнәшәлеге –
Күп ҡатлы йортта.
Күршелектең сиге – бер ҡат кирбес
Һалҡын арауыҡта.

Уртаҡ торбаларҙан йылы аға,
Уртаҡ торбаларҙан һыу аға…
Кескәй генә тәҙрә уйымынан
Беҙ ҡарайбыҙ яҡты донъяға.

Юрый ғына яҙмыш осраштыра
Күршеләрҙе лифт-биләмәлә,
Арҡа терәп түгел, һыртын ҡуйып,
Өҫкә менә улар,
Аҫҡа төшә.

Ах, баҫҡыслы, ҡатлы-ҡатлы йорттар!
Йәндәр түгел, тәндәр өйҙәш бында.
Минең түшәм – кемдәргәлер иҙән,
Һинең эҙең кемдең баш осонда?

«Баштан-башҡа – йәһәт өҫкө ҡатҡа!» -
Ҡанундары шаҡмаҡ тормоштоң.

Тәҙрәң уйымында түңәрәк ай –
Һинең хыял,
Күрше,
Оноттоң…

Р. Фаткуллина

Револь Ғималов еще тексты