Рождество 2015 - Полиелей | Текст песни

• Тексты песен
• Рождество 2015
• Полиелей

Аллилýiа.
Хвали́те и́мя Госпóдне, хвали́те, раби́ Гóспода,
стоя́щiи во хрáмѣ Госпóдни, во двóрѣхъ дóму Бóга нá­шего.
Хвали́те Гóспода, я́ко блáгъ Госпóдь: пóйте и́мени егó, я́ко добрó:
я́ко Иáкова избрá себѣ́ Госпóдь, Изрáиля въ достоя́нiе себѣ́:
я́ко áзъ познáхъ, я́ко вéлiй Госпóдь, и Госпóдь нáшъ надъ всѣ́ми бóги:
вся́, ели́ка восхотѣ́ Госпóдь, сотвори́ на небеси́ и на земли́, въ моря́хъ и во всѣ́хъ бéзднахъ.
Возводя́ о́блаки от­ послѣ́днихъ земли́, мóлнiи въ дóждь сотвори́, изводя́й вѣ́тры от­ сокрóвищъ сво­и́хъ.
И́же порази́ пéрвенцы Еги́петскiя от­ человѣ́ка до скотá:
послá знáменiя и чудесá посредѣ́ тебé, Еги́пте, на фараóна и на вся́ рабы́ егó.
И́же порази́ язы́ки мнóги и изби́ цари́ крѣ́пки:
сиóна царя́ Аморрéйска и о́га царя́ Васáнска, и вся́ цáр­ст­вiя ханаáнска:
и дадé зéмлю и́хъ достоя́нiе, достоя́нiе Изрáилю лю́демъ сво­и́мъ.
Гóсподи, и́мя твоé въ вѣ́къ, и пáмять твоя́ въ рóдъ и рóдъ:
я́ко суди́ти и́мать Госпóдь лю́демъ сво­и́мъ, и о рабѣ́хъ сво­и́хъ умóлит­ся.
И́доли язы́къ сребрó и злáто, дѣлá рýкъ человѣ́ческихъ:
устá и́мутъ, и не воз­глагóлютъ: óчи и́мутъ, и не ýзрятъ:
ýши и́мутъ, и не услы́шатъ: нижé бо éсть дýхъ во устѣ́хъ и́хъ.
Подóбни и́мъ да бýдутъ творя́щiи я́ и вси́ надѣ́ющiися на ня́.
Дóме Изрáилевъ, благослови́те Гóспода: дóме Аарóнь, благослови́те Гóспода: дóме Левíинъ, благослови́те Гóспода:
боя́щiися Гóспода, благослови́те Гóспода.
Благословéнъ Госпóдь от­ Сióна, живы́й во Иерусали́мѣ.

Рождество 2015 еще тексты