Руслан Хасаитов - Чекчи джашны джыры | Текст песни

• Тексты песен
• Руслан Хасаитов
• Чекчи джашны джыры

Pesni.guru - сайт для Гуру

Музыка и стихи Альберта Узденова.

Джаз келди да, джилек дедим атынга,
Джай келди да, наныкъ дедим атынга,
Кюз келди да, дугъум дедим атынга,
Къыш чилледе баралмайма къатынга.

Бек узакъды экибизни арабыз,
Минг къычырым джол барсам да джетмезча,
Бир жомакълы къалды бизни ортабыз,
Не алим да, билиб, оноу этмезча.

Сабыр атлайд Джангы джылны кечеси,
Сюелеме Джуртну сакълай мен чекде,
Сагъышымы болмагъанча ёлчеси,
Сорууланы туудурады джюрекде:

Ким сакълайды насыб кече къатынгы,
Ким айтады сени ариу атынгы,
Ким сыйлайды сени къутас чачынгы,
Ким сакълайды, талпыб, этер антынгы?

Сюймекликни багъалатсанг джыл ётер,
Къыйнаса да, экинчи да терк кетер,
Сенге нанынг къанатлыча терк джетер,
Халкъ, джыйылыб, экибизге той этер!

Джаз келгенлей, джилек дерме атынга,
Джай келгенлей, наныкъ дерме атынга,
Кюз келгенлей, дугъум дерме атынга,
Къыш чилледе къысылырма къатынга.