Рустам Закиров - Сагынуга дава юк икэн | Текст песни

• Тексты песен
• Рустам Закиров
• Сагынуга дава юк икэн

Сагынуга дәва юк икән
Зиннур Гыйбадуллин көе Зөлфәт сүзләре

Гел уемда, һаман уемда
Атлар уйный урман буенда,
Әйтерсең лә сабан туенда —
Сагынуга дәва юк икән.

Бүләр болыннары!
Сәет урманнары!
Гөлләр моңы һәрбер таңында —
Хәтер кебек уйнап,
Якты дөнья буйлап
Атлар чаба туган ягымда.

Олы юлда калдың озатып,
Биек йолдызларга күз атып.
Бер каравың җанны сызлатты —
Өзелермен инде сөйгән яр!

Бүләр болыннары!
Сәет урманнары!
Һәр чишмәңә таллар иелгән,
Синдә якты язым,
Янар яшьлек назым, —
Язлар назы калыр күңелдә.

Гел уемда һаман ул яклар,
Ял таратып чапкан шул атлар
Хыялымда һаман уйнаклар…
Сагынуга дәва юк икән.

Бүләр болыннары!
Сәет урманнары!
Моңнар килә ерак киңлектән —
Тупыр-тупыр тояк,
Сөю юлы ерак —
Сагынуга дәва юк икән.