Рустам Узденов - Муратынг ючюн кюреш | Текст песни

• Тексты песен
• Рустам Узденов
• Муратынг ючюн кюреш

муз. и сл. Альберта Узденова

Хар башламны кёкюреги джаланды,
Джалан кибик джангыз кеме джеллеге.
Ненча джангы мурат толмай къалгъанды,
Джеталмайын тюзлюк деген белгиге?!

Тыйгъыч болуб кюреширле, тохтар деб,
Тар джюрекле, тот киритле, сюнгюле...
Мен джангызма, кёблюк мени хорлар деб,
Эс ташлама муратынгдан тюнгюле,
Джел къалайгъа урса ары бюгюле!..
Джел къалайгъа урса - ары бюгюле!..

Сау болмазлыкъ джара джауунг салмазча,
Сен юсюнге кюбе ишле тёзюмден!
Окъ сёзлюге джууаб табмай къалмазча,
Окъ ишлей бил айтыр тюзлюк сёзюнгден!

Кюнню бетин джабыб турад булут да,
Азат джелле келиб аны чачхынчы.
Хайыр чыкъмаз гурушханы унут да,
Кюреш тюзлюк эшиклени ачхынчы!
Ашыкъ, тенгим, джашлыкъ сенден къачхынчы!
Ашыкъ, тенгим, саулукъ сенден къачхынчы!
Ашыкъ, тенгим, саулукъ сенден къачхынчы!

Рустам Узденов еще тексты