Рысбай Абдыкадыров - Ойлодун бекен мени сен | Текст песни

• Тексты песен
• Рысбай Абдыкадыров
• Ойлодун бекен мени сен

Сөзү : Сооронбай Жусуевдики
Обону : Рыспай Абдыкадыровдуку

Сабылып көөнүм суз болуп,
Санаага калсам туш болуп.
Заматта сага жетсем дейм,
Закымдап учкан куш болуп.

Таалайым ташкан чагымда,
Таңшыса булбул багымда.
Сезүүгө бирге жыргалды да,
Сен болсоң деймин жанымда.

Аппак кар баскан жер үстүн,
Аязда келет көрүшкүм.
Өчөшкөн сага бороонду да,
Өзүңдөн келет бөлүшкүм.

Жаралган өңдүү саймадан,
Жакшы гүл көрсөм таң калам.
Күлүң көз, бирге көрсөк дейм да,
Гүлдөрдү ушул жайнаган.

Сыртыңдан минтип эрисем,
Сыр билгим келет эмитен.
От болуп күйүп мен жүрсөм да,
Ойлодуң бекен мени сен?..

Рысбай Абдыкадыров еще тексты