Сабырхан Асанов - Без названия | Текст песни

• Тексты песен
• Сабырхан Асанов
• Без названия

САҒЫНЫШЫМ МЕНІҢ
Сөзі Сабырхан Асановтікі

Сен жанымда жүрсең,
Сен жадырап күлсең,
Бақыттымын мәңгі, асыл арманым.
Жаутаңдаған көзде,
Сәуле ойнаған кезде,
Шаттығымды елден жасыра алмадым.

Қайырмасы:
Желбіреген гүлдей,
Жеке шыққан күндей,
Сағынышым, жайнап тұршы алдымда.
Тауды бұлт асып,
Жерге жұпар шашып,
Бал бұлақтар тасып,
Жатқан кезде
Қырқасынан қырдың,
Арасынан нұрдың,
Еркетайым, сені көріп қалдым ба?!

Құшағыма кіріп,
Күле қарап тұрып,
Қосылшы әнге сол бір жүрек тербеген.
Тал жанына барсақ,
Таңды күтіп алсақ,
Таңдай әппақ адал тілектерменен.

Қайырмасы.

Неге алысқа кеттің,
Неге көп іздеттің,
Үмітімді менің мәңгі үзгендей.
Сағынышты өмір,
Қазір, шіркін, көңіл
Көлде аққу қалқып жалғыз жүзгендей.

Қайырмасы.

Сабырхан Асанов еще тексты