Сайзана и Саян Дембирел - Ам чүге | Текст песни

• Тексты песен
• Сайзана и Саян Дембирел
• Ам чүге

Сээң меңээ сөглеп чораан сөстериң
Сеткилимде балаттынмас артып каан.
Сээң меңээ сөңнеп чораан сылдыстарың
Ам-даа хевээр чырып чайнап чоруур-дур.

Ам чүге, эргимим?
Ам чүге, чаражым,
Чүректеривис кады эвес билбес мен.

Ынакшыл соглуп, каткан дээрге-даа,
Ынай чурээм чөпшээрешпейн турган дег
Ынчан сеңээ сөңнеп чораан чечектерим
Ырлаарымга катап частып келир бе?
Утпаан-дыр мен...

Айдың дүне олуг ыржым
Аккыр харда истер читкен
Самдар дээрден чүс-чүс карак
Чаңгыс менче көрген дег-дир.

Чайынналган сылдыстарга
Салымымны сөңнеп чор мен.
Чартык айга чайганмышаан
Чаңгыс сени сактып ор мен.

Чайгы дүне чаңгыс көргеш,
Салымым деп билип каан мен.
Аяаар ошкаан эриннериң
Амга чедир утпаан-дыр мен.

Ажыг кыжын, орай дүне
Ааткыышта доңуп ор мен.
Чаңгыс дүннүң ынакшылын
Сагыш чүрээм утпайн чоруу.