Догаларның күңелемнән
Юк әле югалганы.
Саклый мине, яклый мине
Әнкәйнең догалары.
Кушымта:
Ташлама, әнкәй ташлама,
Мине изге догаңнан!
Ташласаң изге догаңнан,
Мин бәхетле булалмам.
Тылсымлы да, шифалы да
Әнкәйнең догалары –
Догаларның шатлык кына
Китерә торганнары.
Кушымта:
Кырыс бит тормыш юллары,
Авыр бит дөньялары!
Хәлләремне җиңеләйтә
Әнкәйнең догалары.
Кабатлыйм мин дә әнкәйдән
Өйрәнгән догаларны.
Җиткерермен түкми-чәчми
Мин сезгә дә аларны.
Кушымта:
Ташлама, әнкәй ташлама,
Мине изге догаңнан!
Ташласаң изге догаңнан,
Мин бәхетле булалмам.
Другие названия этого текста
- Салават Фәтхетдинов - Әнкәмнең догалары (Роберт Миңнуллин сүзләре, Илгиз Закиров көе) (0)
- Салават Фәтхетдинов - Әнкәмнең догалары. Роберт Миңнуллин сүзләре, Илгиз Закиров көе (0)
- Салават Фатхетдинов - ӘНКӘМНЕҢ ДОГАЛАРЫ (0)
Статистика страницы на pesni.guru ▼
Просмотров сегодня: 1