Салават Фәтхетдинов - Юлчы | Текст песни

• Тексты песен
• Салават Фәтхетдинов
• Юлчы

Әй,юлчы,кая барасың?
Кереп хәл ал,арысаң.
Бәлки кунып та калырсың,
Ходай кушып яр булсаң.

Кил,чыгарып чәй эчәрбез,
Гапләшербез туйганчы.
Яшәп карарсың үземдә,
Агач яфрак койганчы.

Алмалар җыярбыз бергә,
Өзәрбез чәчәкләрне.
Сагынып искә алырбыз
Иләс-миләс чакларны.

Юккамыни дәшәм сиңа?-
Ялгызыма ямансу.
Күңелдә сагыш уята
Хәтта яннан аккан су.

Күккә очкан ялгыз кош та
Керә төсле йөрәккә.
Үткәнне искә төшереп,
Оя тузгый тирәктә.

Әй,юлчы,зинһар,тукта,
Учагым сүнеп бара.
Күңелем дә әкренләп
Бу хәлгә күнеп бара.

Изге җан,сизгер җан булсаң,
Өреп җибәр учакка.
Бәлки өметләр терелер
Ике җан типкән чакта.