Салават Фатхетдинов - Бала | Текст песни

• Тексты песен
• Салават Фатхетдинов
• Бала

Ул “Әни” нинди матур исем,
“Әни” диеп дәшим кемнәргә?
Бар кешеләр әниле булалар,
Ә миңа соң, миңа нишләргә?

Тәрәзәләрдән алмый һич күзләрен
Кемгә калган икән бу бала?
Газиз әнкәсе ташлап киткәч
Көтүләрдән башка ни кала?

Аңа беркем “балам” диеп дәшми,
Чәчләреннән беркем сыйпамый.
Нәни бит ул үз хәлләрен белми,
Ятим булуларын аңламый.

Тәрәзәләрдән алмый һич күзләрен
Кемне көтә икән бу бала?
Газиз әнкәсе ташлап киткәч
Көтүләрдән башка ни кала?

Үз балаңны язмыш утларына
Ташлап китү ул бик зур гөнаһ.
Җир йотмаса җансыз кәккүкләргә
Миһербан сал берүк, әй, Алла.

Тәрәзәләрдән алмый һич күзләрен
Кемне көтә икән бу бала?
Газиз әнкәсе ташлап киткәч
Көтүләрдән башка ни кала?


Салават Фатхетдинов еще тексты