Салбиев Казбек и ансамбль «Суадон» - Нæ буц хистæртæ | Текст песни

• Тексты песен
• Салбиев Казбек и ансамбль «Суадон»
• Нæ буц хистæртæ

Бирæ нын цæрат, нæ буц хистæртæ,
Уæ фарнæй фæрнджын – ирон хæдзæрттæ.
Сымахæй цæуынц уæ хорз кæстæртæм
Хъæбатырдзинад, рæсугъд æгъдæуттæ.

Ацы дунейы адджынæн баззад
Фыдæлты уæзæг, райгуырæн бæстæ.
Терчы донæй дæр, нæ буц хистæртæ,
Нæ бафиддзыстæм уæ бирæ хæрзтæ.

Карз тохы заман бæсты сæрвæлтау,
Знаджы гæнах уæ риутæй састат.
Уæддаер нæ буцæй нæ цардуалдзæджы
Уæ фæллад къухтыл бирæ фæхастат.

Нæ Иры зæхмæ бæрзонд уæлæрвтæй
Хъызт зымæджы дæр зæрин тын хауы.
Æмæ рæсугьдæй хистæры зондæй
Кæстæры амонд æфсир æфтауы.

Цы нын баззади рæсугъддзинадæй,
Нæ фæрныг царды уый байтаудзыстæм.
Нæ буц хистæртæ, мах уе сконд артдзæст
Æрхуыссын кæнын нæ бауадздзыстæм.

alaniya.vkontakte.ru

Салбиев Казбек и ансамбль «Суадон» еще тексты