Сапар Узденов - Алгъыш | Текст песни

• Тексты песен
• Сапар Узденов
• Алгъыш

Pesni.guru - сайт для Гуру

Музыка и стихи Сапара Узденова.

Къартларыбыз аз болгъандан,
Къабырла да кёб болгъандан
Джангы джыл, тилейме, Сен сакъла!
Акъ айрандан эрикгенден,
Тауларыбыз эригенден,
Джангы джыл, тилейме, Сен сакъла!

Припев:
Мен Сенден бир бек тилейме,
Ол болурун бек излейме -
Акъ къарынг бла насыбны бир чач.
Тебмесинле тауларыбыз,
Ёлмесинле къартларыбыз,
Тургъаныча турсун таш-агъач.

Адам къыйын ашагъандан,
Терлемейин джашагъандан,
Джангы джыл, тилейме, Сен сакъла!
Къарачайым ач болгъандан,
Къобаныбыз джокъ болгъандан,
Джангы джыл, тилейме, Сен сакъла!

Припев.

Джашлыкъ кюнню бош ийгенден,
Сюеринги сюймегенден,
Джангы джыл, тилейме, Сен сакъла!
Таулу атны джокъ этгенден,
Кюн джарыкъны сезмегенден,
Джангы джыл, тилейме, Сен сакъла!

Припев.