Сапар Узденов - Аллах, сакъла бу сыйлы джуртуму! | Текст песни

• Тексты песен
• Сапар Узденов
• Аллах, сакъла бу сыйлы джуртуму!

Pesni.guru - сайт для Гуру

Музыка и стихи Сапара Узденова.

Майна башлада булутла бир сейир къалкъыгъалла.
Майна къалалача туралла таула таулада.
Анда къаядан тёгюлелле кирсиз шоркъала.
Майна тёбеде сюелелле таулу сын ташла.

Припев:

Туугъанла ёлюрле, ёлгенле - къобарла.
Кетерикди келген, къайтырыкъды кетген.
Алмашса да хар зат, тюрлендирме муну,
Сен, Аллах, сакъла бу сыйлы джуртуму.

Майна бир акка ныгъышда туудугъун ийнакълайды.
Майна, эй, барады урлаб биреулен сюйгенин.
Майна бир джарыкъды бизни кюн ма бюгюн кёкде.
Анда къырдышда чабышалла таулу сабийле.

Припев.

Майна, эй, Минги Тау алгъынча ма энтда ёхтемди.
Майна наратла къучакълайла джелде бир-бирин.
Анда талада аланла къурагъалла шынкъарт.
Майна бирлери тишликни джашлагъа узатад.

Припев:

Майна ол баргъан джашауну азабын сынагъанды,
Майна ол бири да кёргенди халкъны ёлгенин.
Алай а туугъанды ма энтда джангы джамагъат -
Аны мен этеме, ой, Аллах, санга аманат.

Припев.