Сапар Узденов - Сау эсе Къарачай | Текст песни

• Тексты песен
• Сапар Узденов
• Сау эсе Къарачай

Музыка и стихи Сапара Узденова.

Чыртдан да кишиден уялмай, къоркъмайын,
Мен ауузлукъ салгъанма джазыугъа.
Ол айтхан джанына аны бла бармайын,
Сеннге: "Сау къал", - деб, кетдим шахаргъа.

Сюе да тургъанлай, сенден мен эрикдим,
Уялмай кесиме: "Башхаса сен", - дедим.
Анам а къоймады, урушду тюшюмде,
Сагъышлыкъны берди джолоучу кюнюмде.

Узакъда шахарда тюшсенг сен эсиме,
Сеннге этилген джырланы джырларма.
Сени кюсеб термилсем, мен тау элиме
Шахар джашауну къалай къоярма?

Къоюб келсем бери, табсам да мен сени,
Къойнунгдагъы сабий къууандырмаз мени.
Мен къойгъан джыр сенде эртде ёлюб турур,
Къатынгда биреулен джюрекни къутуртур.

Ким къычырады бу кече арасында,
Ол мени Къарачайым болурму?
Огъесе сени тюшюнгю ортасында
Ол башха адам къыйнай болурму?

Бу тюрлю сагъышла къайдан а келелле,
Къатынга ма сени ала термилтелле?
Нек тюрлю кёрюнед джерни башы саулай?
Джыларым нек келед, сау эсе Къарачай?