Сапар Узденов - Тургъаныча Турсун Таш-Агъач | Текст песни

• Тексты песен
• Сапар Узденов
• Тургъаныча Турсун Таш-Агъач

Къартларыбыз аз болгъандан,
Къабырла да кёб болгъандан,
Джангы джыл, тилейме, сен сакъла!
Акъ айрандан эрикгенден,
Тауларыбыз эригенден,
Джангы джыл, тилейме, сен сакъла.

Мен сенден бир бек тилейме,
Ол болурун бек излейме,
Акъ къарынг бла Насыбны бир чач!
Тебмесинле тауларыбыз.
Ёлмесинле къартларыбыз,
Тургъаныча турсун таш-агъач!

Адам къыйын ашагъандан,
Терлемейн джашагъандан,
Джангы джыл, тилейме, сен сакъла!
Къарачайым ач болгъандан,
Къобаныбыз джокъ болгъандан,
Джангы джыл, тилейме, сен сакъла!

Мен сенден бир бек тилейме,
Ол болурун бек излейме,
Акъ къарынг бла Насыбны бир чач!
Тебмесинле тауларыбыз.
Ёлмесинле къартларыбыз,
Тургъаныча турсун таш-агъач!

Джашлыкъ кюнню бош ийгенден,
Сюеринги сюймегенден,
Джангы джыл, тилейме, сен сакъла!
Таулу атны джокъ этгенден,
Кюн джарыкъны сезмегенден,
Джангы джыл, тилейме, сен сакъла!