Сауасса - Саубарæг | Текст песни

• Тексты песен
• Сауасса
• Саубарæг

Сæуæссæ
САУБАРÆГ
Слова Азау Хацерон, музыка Сауассы

Фæндаджы уæзгуытыл Уастырджимæ куывдтон,
Царды фыдвæндæгтыл æмбалæн æй хуыдтон.
Арвы бын иунæг зæд мæ куывдтæ фехъуыста, —
Февзæрд мæ развæндаг — мæ сæнттæ банкъуыста.

Фыццаг хæтæнхауæг, нæ сæнттыл саударæг,
Йе ’мбал-Хуыцауæй рох Сау хохы Саубарæг!
Дзуры мæм: «Ацы ’хсæв дæ фæндтæ размæ хæсс.
Нæ балц — æнæкæрон, — фæстæмæ ма фæкæс!
Дæ фæндтæй ма фæтæрс!»

Цы цардæй ацардтæн, цы дугъы бацыдтæн, —
Уæлхохмæ сирвæзтæн, уæларвмæ хъавыдтæн,
Афтæ фæстейæ дзырд мæ хъустыл ауади:
«Чидæр æнамондыл базыртæ базади!»

Уайтагъд дызæрдыг мын мæ зæрдæ балхъывта:
«Миййаг кæд сау æхсæв сау бонæй раивта?»
Фæкастæн фæндагмæ… Барæг мæм бадзырдта:
«Фæстæмæ чи кæсы, тæхын кæд базыдта, —
Фесæфта базыртæ!»

Йæ сау нымæты мын мæ сæнттæ атыхта.
Фæтары уый адыл, — бонрухсæй асыгъдтæн.
Цал æхсæв арвыстон Сауцæсты агурæг! —
Гъей-джиди, иу хатт-ма амбæл мыл, Саубарæг!..

Фæлæ мын байрæджы… Зынвадат айнæджы
Бонкæнæн арæныл фесæфтон Барæджы.
Æхсæвы армдарæг, иунæгыл аудæг
Ацыд мæ марцуйы фæндаджы Сатæг зæд,
Бонцъæхты афардæг…

МУЗЫКАЛЬНАЯ КУЛЬТУРА ОСЕТИН
vk.com/ossmus
¯¯\/¯¯¯¯¯¯¯¯¯
☻/
/▌
/ \

Сауасса еще тексты