Светлана Трофименко и Евгений Николаев - Эс мана каçсерен тĕлленетĕн | Текст песни

• Тексты песен
• Светлана Трофименко и Евгений Николаев
• Эс мана каçсерен тĕлленетĕн

ЭС МАНА КАÇСЕРЕН ТĔЛЛЕНЕТĔН
Вăрăм Палюк сăвви
Людмила Кинер кĕвви
.
Эс манран кĕçĕнрех пулнăран
Куçунтан та пăхма именетĕп.
Йăл кулса ман умра эс тăран,
Эпĕ эс пăхнипех хĕмленетĕп.
.
ХУШСА ЮРЛАМАЛЛИ:
Эс, савни, çăлтăр евĕр хитре,
Урамри хурăн пек йăрăс пÿллĕ!
Кăлт тапать çулăм хыпнă чĕре,
Пăхсанах паллă: эсĕ хĕрÿллĕ.
.
Эс, савни, çăлтăр евĕр хитре,
Урамри хурăн пек йăрăс пÿллĕ!
Пĕрле чух мĕнле лайăх пире,
Иксĕмĕр тĕл пуласчĕ каç кÿлĕм!
.
Эс манран кĕçĕнрех пулнăран
Чуп тума та сана именетĕп.
Сан туту пылакрах çырларан,
Санăн илемÿпе киленетĕп.
ХУШСА ЮРЛАМАЛЛИ.
.
Эс манран кĕçĕнрех пулнăран
Аллунтан та тытма именетĕп.
Кăмăлу çемçерех сар çуран,
Эс мана каçсерен тĕлленетĕн.
ХУШСА ЮРЛАМАЛЛИ.