Сводный хор (сол. Ибрагим Хугаев и Заур Парастаев) - Коцты Бегайы зарæг | Текст песни

• Тексты песен
• Сводный хор (сол. Ибрагим Хугаев и Заур Парастаев)
• Коцты Бегайы зарæг

Чеселты комæй нын
Тохы хъæр райхъуысти:
Хъолайы хъæумæ
Æзнаг фæбырсы.

Бега нын бадзуры
Чеселты фæсивæдмæ:
«Нæ Иры лæппутæ,
Рацæут тохмæ!»

Тохмæ куы бабырсынц
Иры хъæбатыртæ,
Знæгты фæтæрæм
Нæ фыдыбæстæй.

Хъолайы мæсыгæй
Судзгæйæ тахтысты,
Æзнаджы æфсадыл
Бегайы нæмгуытæ.

Хъолайы мæсыг нын
Судзын куы райдыдта,
Бега ’ргæпп кæны
Бæрзонд мæсыгæй.

Тæппуд ызнæгтæм
Къуыммæ куы батæры,
Цалдæр булкъоны дзы
Мæрдтæм куы барвиты.

Коцы мыггагæн ды
Кады ном сарæзтай,
Ирыстоны фарн
Бæрзондмæ систай.

{Бега нын нæ амард —
Йæ рухс ном цæрдзæни,
Йæ зарæг нæрдзæни
Хуссарæй цæгатмæ!} x2

Слова Юрия Кочиева, музыка Анисима Дзаттиаты

«Музыкальная культура осетин» © 2011
vk.com/ossmus
¯¯\/¯¯¯¯¯¯¯¯¯¯
☻/
/▌
/ \

Сводный хор (сол. Ибрагим Хугаев и Заур Парастаев) еще тексты