Святое Богоявление - 1-й и 2-й антифоны на литургии | Текст песни

• Тексты песен
• Святое Богоявление
• 1-й и 2-й антифоны на литургии

Хор Московского Сретенского монастыря

Антифон 1, псалом 113, глас 1:

Стих 1: Во исходе Израилеве от Египта, дому Иаковля из людей варвар. Молитвами Богородицы, Спасе, спаси нас.

И другий лик. Стих 2: Бысть Иудеа святыня Его, Израиль область Его. Молитвами Богородицы:

Стих 3: Море виде и побеже, Иордан возвратися вспять. Молитвами Богородицы:

Стих 4: Что ти есть море, яко побегло еси, и тебе Иордане, яко возвратился еси вспять? Молитвами Богородицы:

Слава, и ныне: Молитвами Богородицы:



Антифон 2, псалом 114, глас 2:

Стих 1: Возлюбих, яко услышит Господь глас моления моего. Спаси ны, Сыне Божий, во Иордане крестивыйся, поющия Ти: Аллилуиа.

Стих 2: Яко приклони ухо Свое мне, и во дни моя призову. Спаси ны, Сыне Божий:

Стих 3: Объяша мя болезни смертныя, беды адовы обретоша мя, скорбь и болезнь обретох, и имя Господне призвах. Спаси ны, Сыне Божий:

Стих 4: Милостив Господь и праведен, и Бог наш милует. Спаси ны, Сыне Божий:

Слава, и ныне: Единородный Сыне:



Антифон 3, псалом 117, глас 1:

Стих 1: Исповедайтеся Господеви, яко благ, яко в век милость Его. Тропарь: Во Иoрдане крещающуся Тебе Господи, Троическое явися поклонение: Родителев бо глас свидетельствоваше Тебе, возлюбленнаго Тя Сына именуя: и Дух в виде голубине, извествоваше словесе утверждение, явлейся Христе Боже, и мир просвещей слава Тебе.

Стих 2: Да речет убо дом Израилев: яко благ, яко в век милость Его. Во Иoрдане крещающуся Тебе Господи:

Стих 3: Да речет убо дом Ааронь: яко благ, яко в век милость Его. Во Иoрдане крещающуся Тебе Господи:

Стих 4: Да рекут убо вси боящиися Господа: яко благ, яко в век милость Его. Во Иoрдане крещающуся Тебе Господи:
X

Праздник Крещения Господня, или Богоявления, называется еще днем Просвещения и праздником Светов — от древнего обычая совершать накануне его (в Навечерие) крещение оглашенных, которое является, в сущности, духовным просвещением.

Описание события Крещения дано у всех четырех Евангелистов (Мф. 3, 13-17; Мк. 1, 9-11; Лк. 3, 21-23; Ин. 1, 33-34), а также во многих стихирах и тропарях праздника.


Святое Богоявление еще тексты