Сербскій Византійскій хоръ - Воскресенія день, просвѣтимся, людіе: Пасха, Господня Пасха! Отъ смерти бо къ жизни и отъ земли къ небеси Христосъ Богъ насъ преведе, побѣдную поющія. | Текст песни

• Тексты песен
• Сербскій Византійскій хоръ
• Воскресенія день, просвѣтимся, людіе: Пасха, Господня Пасха! Отъ смерти бо къ жизни и отъ земли къ небеси Христосъ Богъ насъ преведе, побѣдную поющія.

Воскресенія день, просвѣтимся, людіе:
Пасха, Господня Пасха!
Отъ смерти бо къ жизни
и отъ земли къ небеси
Христосъ Богъ насъ преведе,
побѣдную поющія.

Пріидите, пиво піемъ новое,
не отъ камене неплодна чудодѣемое,
но нетленія источникъ,
изъ гроба одождивша Христа,
въ Немже утверждаемся.

На Божественней стражи богоглаголивый Аввакумъ да станетъ съ нами
и покажетъ свѣтоносна Ангела, ясно глаголюща:
днесь спасеніе міру, яко воскресе Христосъ,
яко Всесиленъ.

Утренюемъ утреннюю глубоку
и вмѣсто мѵра пѣснь принесемъ Владыцѣ,
и Христа узримъ правды Солнце,
всѣмъ жизнь возсіяюща.

Снизшелъ еси въ преисподняя земли
и сокрушилъ еси вереи вѣчныя,
содержащія связанныя, Христе,
и тридневенъ, яко отъ кита Іона,
воскреслъ еси отъ гроба.

Отроки отъ пещи избавивый, бывъ Человѣкъ,
страждетъ яко смертенъ, и страстію смертное
въ нетленія облачитъ благолѣпіе,
Единъ благословенъ отцевъ
Богъ и препрославленъ.

Сей нареченный и святый день,
Единъ субботъ Царь и Господь,
праздниковъ праздникъ
и торжество есть торжествъ:
воньже благословимъ Христа во вѣки.

Ангелъ вопіяше Благодатней:
Чистая Дѣво, радуйся,
и паки реку, радуйся:
Твой Сынъ воскресе тридневенъ отъ гроба,
и мертвыя воздвигнувый,
людіе, веселитеся.

Свѣтися, свѣтися, новый Iерусалиме:
слава бо Господня на тебе возсія,
ликуй нынѣ и веселися, Сіоне.
Ты же, Чистая, красуйся, Богородице,
о востаніи Рождества Твоего.


Сербскій Византійскій хоръ еще тексты