Сестринский хор свято-Успенского Никольского монастыря - Акафист Успения Божией Матери.Подобен "О дивное чудо".Стихиры. | Текст песни

• Тексты песен
• Сестринский хор свято-Успенского Никольского монастыря
• Акафист Успения Божией Матери.Подобен "О дивное чудо".Стихиры.

На Господи воззвах, ставим стихов 8, и поем стихиры, глас 1:

О дивное чудо! Источник Жизни во гробе полагается, и лествица к небеси гроб бывает: веселися Гефсимание, Богородичен святый доме. Возопием вернии, Гавриила имуще чиноначальника: Благодатная радуйся, с Тобою Господь, подаяй мирови Тобою велию милость. [Трижды.]

Дивны Твоя тайны, Богородице, Вышняго престол явилася eси, Владычице, и от земли к небеси преставилася eси днесь. Слава Твоя боголепная, богоподобными сияющи чудесы. Девы с Материю Царевою на высоту вознеситеся. Благодатная, радуйся, с Тобою Господь, подаяй мирови Тобою велию милость. [Трижды.]

Твое славят успение, власти и престоли, начала и господьства, силы и херувими, и страшнии серафими: радуются земнороднии, о божественней Твоей славе красящеся. Припадают царие со архангелы и ангелы, и воспевают: Благодатная, радуйся, с Тобою Господь, подаяй мирови Тобою велию милость. [Дважды.]


Сестринский хор свято-Успенского Никольского монастыря еще тексты