Сестры Свято-Елисаветинского монастыря - Блаженны | Текст песни

• Тексты песен
• Сестры Свято-Елисаветинского монастыря
• Блаженны

Во царствии Твоем помяни нас, Господи,
егда приидеши во Царствии Твоем.

Блажени нищии духом, яко тех есть царство небесное.
Блажени плачущии, яко тии утешатся.
Блажени кротции, яко тии наследят землю.
Блажени алчущии и жаждущии правды, яко тии насытятся.
Блажени милостивии, яко тии помиловани будут.

Иже из Вифсаиды изводимый, нас праздновати созывает, торжество свое предложив нам изрядства борений своих.

Блажени чистии сердцем, яко тии Бога узрят.

Честное, Предтеча Христов, своих учеников верховнейшее, от неплодове прозябшии, из Девы рождшемуся Христу препрославленному, Андрея, радуяся, приведе.

Блажени миротворцы, яко тии сынове Божии нарекутся.

Притекл еси, жаждею не зван, Андрее, но самовольне жизни ко Источнику, якоже елень, и всем, Сего обрет, проповедал еси, и, пив, напоил еси нетления водами истаявшия жаждею концы.

Блажени изгнани правды ради,
яко тех есть Царство небесное.

Словом призывающему,— гряди во след Мене,— Христу абие последова со Андреем и Кифа, родителя оставивше, и ладию, и мрежи, яко веры предусмотрителие.

Блажени есте, егда поносят вам,
и ижденут и рекут всяк зол глагол,
на вы лжуще Мене ради.

Мрежею слова из глубины прелести уловил еси словесныя рыбы, апостоле, и трапезе Христовей снедь чистую принесл еси, просвещенныя благодатию Явльшагося в подобии плоти.

Радуйтеся и веселитеся,
яко мзда ваша многа на Небеси.

Яко ученик всеизящнейший, на Кресте хотением распеншемуся Владыце твоему даже до смерти последуя, возшел еси, радуяся, на высоту креста, идяй шествием на Небеса, блаженне апостоле.

Слава Отцу и Сыну и Святому Духу

О учениче и любимиче Христов и сочисленне апостолов Его! Егда на Престоле сядет Судия с вами дванадесятьми судити, яко обещание глаголет, будите тогда нам человеколюбия стена.

и ныне и присно и во веки веков. Аминь.

Честное, Предтеча Христов, своих учеников верховнейшее, от неплодове прозябшии, из Девы рождшемуся Христу препрославленному, Андрея, радуяся, приведе.

Сестры Свято-Елисаветинского монастыря еще тексты