сл. Б.Ибрагим - Кичке уйлану | Текст песни

• Тексты песен
• сл. Б.Ибрагим
• Кичке уйлану

Бу кайтышлый китеп барышмы соң,
Я үтешли туктый алмаумы.
Булдырабыз кебек алтын сүзләр
Киләчәкне кабат алдаумы.
Бу салкынга ярар йөрәк түзәр,
Күңел түзәр, ә тән нишләр соң?
Кошкайларның ярый канаты бар,
Кеше заты кая кышлар соң?
Күптән япты инде кара болыт,
Ап-ак кәфен белән кыйбла ягын.
Әҗәл йөри җирдән киталмыйча,
Таш идәннән сөйрәп аягын.
Әй, Ходаем, өстә әле утын,
Заман туңа, заман суына.
Йә булмаса, әйдә, сүндер җиткән.
Ат учакка бераз су гына...
Бу кайтмаган килеш китүме соң,
Йә бармаган килеш тукталумы?..
Кабат әче җилләр бүлде бүген
Төндә ялгыз гына уйлануны.

сл. Б.Ибрагим еще тексты