Смаков Ильфак - Кышкы романс | Текст песни

• Тексты песен
• Смаков Ильфак
• Кышкы романс

Ҡышҡы романс

Аҡты ташып, аҡты ярһып ҡар һыуҙары,
Шулдыр инде яҙҙың ташып ярһыуҙары.
Аҡты беҙҙең ҡар өҫтөндә ҡалған эҙҙәр,
Аҡты илап, икәү бергә һалған эҙҙәр.

Һин — ғүмер ағыштарым,
Һин — минең һағыштарым,
Һин — минең шатлыҡ илем,
Юғалтыу, табыштарым.
Һин — минең һағыштарым.

Яҙҙар килә, яҙҙар китә, һыуҙар аға,
Көндәр аға, айҙар аға, йылдар аға
Һыуҙарҙың да, айҙарҙың да, йылдарҙың да
Ағышынан эҙҙәр ҡала, эҙҙәр ҡала.

Һин — ғүмер ағыштарым,
Һин — минең һағыштарым,
Һин — минең шатлыҡ илем,
Юғалтыу, табыштарым.
Һин — минең һағыштарым.

Бына инде тағы ергә карҙар яуа,
Бөтә нәмә туңған төҫлө ҡар аҫтында.
Аға һыуҙар, көндәр аға, айҙар аға,
Һине күрәм айҙар, йылдар ҡарашында.

Һин — ғүмер ағыштарым,
Һин — минең һағыштарым,
Һин — минең шатлыҡ илем,
Юғалтыу, табыштарым.
Һин — минең һағыштарым.

Смаков Ильфак еще тексты