Сретение Господне - Стихиры на хвалитех | Текст песни

• Тексты песен
• Сретение Господне
• Стихиры на хвалитех

Pesni.guru - сайт для Гуру

Сретение Господне. На хвалитех - стихиры.
Хор Московского Сретенского монастыря.

Стихиры на хвалитех

глас 4. Подобен: Дал еси знамение:

Стих: Хвалите Его на силах его, хвалите Его по множеству величествия Его.

Закон иже в Писании, исполняя Человеколюбец, в церковь ныне приносится, и Сего приемлет старыми руками Симеон старец, ныне отпущаеши мя вопия, ко оному блаженству: видех бо Тя днесь плотию мертвенною обложеннаго, животом господьствующа, и смертию владычествующа.

Стих: Хвалите Его во гласе трубнем, хвалите Его во псалтири и гуслех.

Закон иже в Писании, исполняя Человеколюбец, в церковь ныне приносится, и Сего приемлет старыми руками Симеон старец, ныне отпущаеши мя вопия, ко оному блаженству: видех бо Тя днесь плотию мертвенною обложеннаго, животом господьствующа, и смертию владычествующа.

Стих: Хвалите Его в тимпане и лице, хвалите Его во струнах и органе.

Свет во откровение языков, явился еси Господи, на облаце седя легце, Солнце правды, закона сеновное исполняя, и начало изъявляя новыя благодати. Тем Тя видев Симеон взываше: из истления мя разреши, яко видех Тя днесь.

Стих: Хвалите Его в кимвалех доброгласных. Хвалите Его в кимвалех восклицания. Всякое дыхание да хвалит Господа.

Недр Родителя не отлучься Божеством, воплощься якоже изволил еси, объятиями держимь Приснодевы: на руки подался еси Богоприимца Симеона, рукою Твоею держай всяческая. Темже ныне отпущаеши мя, радостно взываше, в мире раба Твоего, яко видех Тя Владыко.

Слава и ныне, глас 6

Германово:

На руках старческих во днешний день, яко на колеснице херувимстей, восклонитися благоизволивый Христе Боже, и нас поющих Тя, страстей мучительства призываемый избави, и спаси яко Человеколюбец.