Сусанна Даутова - Джары шIулъэгъур | Текст песни

• Тексты песен
• Сусанна Даутова
• Джары шIулъэгъур

1. Уищхыпэ шъабэ о къызысэптырэм,
Сыбгъэгу тыгъэу щызэпэшIэты.
Нэплъэгъу закъор о къызысфэпшIырэм,
Быбы шIоигъоу сыгу зыкъеIэты.

Жъыу:

Джары шIулъэгъур зыфэдэ шъыпкъэр,
Ар гугъэ IэшIумэ ахэшIыкIыгъ.
Джары шIулъэгъур зыфэдэ шъыпкъэр,
Ар къэгъагъабэмэ ахэхъыкIыгъ.

2. СигъашIэ мафэ къин къысфыхафэмэ,
ПсынкIэ къысщэхъу о укъызготымэ.
Сигъогу чыжьэу сэ сызтехьажьырэм,
СиIоф къыздэхъу о сыбгъэкIуатэмэ.

Жъыу

3.Усымылъэгъумэ гукIэ сыплъэхъу,
Дахэуи щыIэр къыпфэсэгъадэ.
Узэрэслъэгъоу дымыIу сэхъу,
ГущыIэ дахэмэ гукIэ салъэхъу.


Сусанна Даутова еще тексты