Суу алыб келе - - карачаевская | Текст песни

• Тексты песен
• Суу алыб келе -
• карачаевская

Музыка Альберта Узденова, стихи Дагира Кубанова.

Суу алыб келе къара суучукъдан,
Бир къонакъ джашха тюбедим.
"Къызчыкъ, суусабма", - деб айтханында,
Мен да анга, сюйюб, суу бердим.

"Къайда кёргенме, къайдан таныйма?" -
Деб келди мени кёлюме.
Ол да, менича, бек сейирсиниб,
Джити къарады кёзюме.

Джаш суудан ичиб, кёб алгъыш этиб,
Ауушла таба атланды.
Къууанчым кетиб, джюрегим тебиб,
Мен аны ызындан таралдым.

Къайсы ауушда бара болурса,
Джанымдан эсе сюйгеним?
Шагъырей джолчукъ бла энтда келирсе, -
Деб ышанады джюрегим.

Суу алыб келе къара суучукъдан,
Бир къонакъ джашха тюбедим.
"Къызчыкъ, суусабма", - деб айтханында,
Мен да анга, сюйюб, суу бердим.

"Къайда кёргенме, къайдан таныйма?" -
Деб келди мени кёлюме.
Ол да, менича, бек сейирсиниб,
Джити къарады кёзюме.

Суу алыб келе - еще тексты