Сцяна - Усё на крывi | Текст песни

• Тексты песен
• Сцяна
• Усё на крывi

Я еду па восенскім лісці,
Еду я праз дзіцячыя сны,
Еду я па пагорках і выспах,
Па дарогах зімы і вясны.
Я еду туды, дзе светла,
Дзе лунае паветраны шар,
Дзе ветразь напоўніцца ветрам,
Дзе сонцам асветліцца твар.

Прыпеў:

Усё на крыві, усё на касцях,
Усё шматзначнае адназначна!..
Я маю свой герб, я маю свой сцяг,
Я маю свой край, дзе дыхаць мне смачна!

Я еду праз шэрыя вёскі,
Еду я цераз знакі бяды.
Я еду праз кропкі ды коскі,
Я еду адсюль туды.
Туды, дзе ўзыходзіць золак,
Дзе падае снег долу,
Дзе свеціць калядная зорка,
Дзе гарыць купальскае кола.

Прыпеў: ...

Я еду па вечным брудзе,
За брудам ня бачна зямлі,
Калісьці тут штосьці будзе,
Вось толькі што і калі?..
Даеду адно па рыму
На хвалях сцюдзёных вятроў.
Я еду ў сваю краіну
На вечную зорку дзядоў!!!

Прыпеў.

Сцяна еще тексты