Сэсэг Шойдокова .Наин Нава - Аялгата һайхан буряад хэлэмни, автор Болдын Батхуу | Текст песни

• Тексты песен
• Сэсэг Шойдокова .Наин Нава
• Аялгата һайхан буряад хэлэмни, автор Болдын Батхуу

Аялгата һайхан буряад хэлэмни

Тэнгэриин хууляар амилһан

Аялгата буряад хэлэмни.

Газарай магнайда мүндэлһэн

Буряад-монгол хэлэмни.

Барга-Баатар хаанай

Һүнэһэ эбээһэн буряадни.

Баргажан-Гуа хатанай

Ћї шэнгээһэн хэлэмни.

Бүртэ буурал абымни

Хүлэгэй дуун бэлэй.

Марал-Гуа эжымни

Үлгын дуун бэлэй.

Буряад зургаан эсэгын

Буян шэнгээһэн хэлэмни.

Бархан хаан уулын

Сабдагта тэдхүүһэн хэлэмни.

Наратын хээлидэ мүнхэрһэн

Наян-Наваа нютагни.

Һаратын сээжэдэ эгэшэглэһэн

Аялгата буряад хэлэмни.

Саяан үндэр хадын

Сууряанай шэмээн бэлэй.

Һара наран хоёрой

Шэхэнэй шэмэг бэлэй.

Уг изагуураа һабагшалһан

Уйгар монгол бэшэгни.

Ухаан бодол сэсэлһэн

Урихан буряад хэлэмни.

Онон хатан, Хэрлэнэй

Омогто дуун бэлэй.

Оршолон дэлхэйе уярааһан

Домогой дуун бэлэй.

Зандан Жуугай хубилгаан

Һахил хүртээһэн Буряадни.

Замби түбиин мэлмыдэ

Заяа тэдхэһэн хэлэмни.

Бабжа-Барас баатарай

Номоной хүбшэ бэлэй.

Балжан сэсэн хатанай

Ухаанай һомон бэлэй.

Энэрэлтэ Байгал далайн

Эгэшэгтэ дуун бэлэй.

Эсэгэ Гэсэр хаанай

Эльгэлхэ дуун бэлэй.

Бүртэ буурал абымни

Хүлэгэй дуун бэлэй.

Марал-Гуа эжымни

Үлгын дуун бэлэй.

Сэсэг Шойдокова .Наин Нава еще тексты