Сяргей Балахонаў - Вунь і яно, успамінаў лісцё / верш - Міхась Стральцоў [Esther Garcia inst.] | Текст песни

• Тексты песен
• Сяргей Балахонаў
• Вунь і яно, успамінаў лісцё / верш - Міхась Стральцоў [Esther Garcia inst.]

Міхась Стральцоў

***
Вунь і яно, успамінаў лісцё,
На дрэвах, на тумбах, на дугах трамваяў.
Скажыце ж цяпер, а ці многа дасцё
За квецень апалую маяў?

Ды толькі і у вас гэтаксама было,
Паводле адвечнае звычкі:
Бяссонныя ночы, кахання сіло,
Перон і вясновы палон электрычкі.

Абсыпалася каляіна вясны,
Прыбіта трава прыдарожная пылам.
Цяпло тваіх вуснаў прыходзіць у сны,
Мне вусны казыча тугой неастылай.
Трывожлівы сон, трывожны палон,
Трывожныя ў сне успаміны…
Цягнік успамінаў ідзе пад адхон,
Ляціць на ажыны, крушыны.

Гучыць верш Міхася Стральцова \"Вунь і яно, успамінаў лісцё\" з кнігі “Цень ад вясла” (1979) у выкананні Сяргея Балахонава (2016). Скарыстаны інструментал Esther Garcia \"About Life\" (2015) з сайта jamendo.com. Паводле ўмоў аўтара інструментала гэтая публікацыя здзяйсняецца з ліцэнзіяй Creative Commons: cc_standard

Сяргей Балахонаў еще тексты