Сяргей Балахонаў - Гомель, голем і Малуша [Lysergiphile inst.] | Текст песни

• Тексты песен
• Сяргей Балахонаў
• Гомель, голем і Малуша [Lysergiphile inst.]

ГОМЕЛЬ, ГОЛЕМ І МАЛУША
Падалі ў шэрань познія грушы.
Дошкі ўсцілалі фантан.
Падала з неба ў грушы Малуша,
нішчачы ўтульнасць нірван.

Падала з крыкам. Песняй завецца
крык той у нашых краях.
Гомель іграў ёй клубнае скерца.
Голем прадумваў замах.

Стаўшы на ногі, вуліцай гулкай
наша Малуша пайшла.
Пахла з кавярні маслам і булкай.
Скідваў кірмаш летні шлак.

Пахі і компас дзеўку да парку
вывелі з кокану шкод.
Шчокі гарэлі ружаю яркай.
Вішняй хваліўся кампот.

Дрэва за дрэвам. Дзеўка за дзеўкай.
Скончыўся парк неўпрыцям.
Вузкай сцяжынай (вузкай і глеўкай!)
несла Малуша свой сцяг.

Бераг тлуміўся. Бераг хістаўся.
Ён не чакаў дэфіле
нашай Малушы, што ў іншым часе
зжэрла шчаслівы білет.

Бітвы пад Грунвальдам і пад Кадэшам.
Каша блудлівых сарок.
Голем і Мосін з цукровае вежы
дзеўкі высочвалі крок.

+++
У аўтарскім выкананні гучыць верш Сяргея Балахонава. Выкарыстаны інструментал Lysergiphile \"Short Snippet3\" (2011) з сайта вольнай музыкі jamendo.com

Сяргей Балахонаў еще тексты