Сяргей Балахонаў - Зорны шлях [КосмоТаун prod.] | Текст песни

• Тексты песен
• Сяргей Балахонаў
• Зорны шлях [КосмоТаун prod.]

ЗОРНЫ ШЛЯХ
На сонцы чарговыя ўспышкі.
На сэрцах сляды баракуд.
З нязведанай гомельскай кніжкі
складу экскурсійны маршрут.

Закончыцца дождж красавіцкі.
Пачнуцца раскопкі ў метро.
У парк пабягуць маладзічкі
гукаць з поўдня цёплых вятроў.

Я стану на людным прыпынку,
дзе колісь стаялі сябры,
ды з песняю пчол Метэрлінка
знікалі ў суседнім двары.

Міжволі згадаю асобу,
якую “нібыта” й “амаль”,
і 39-ты аўтобус
звязе мяне ў зорную даль.

Звязе ў космас блізкі й далёкі
паўз царства святых аэліт.
І там я засвою ўсе ўрокі,
якія бясплённа прайшлі.

І там не рассыплюцца словы
сюжэтаў няпісаных кніг.
Накручаны крэйсер паштовы
ўнясе ў зорны шлях новы штрых.

2016

Гучыць верш Сяргея Балахонава \"Зорны шлях\" (2016) у аўтарскім выкананні. Скарыстаны мінус КосмоТаун \"Black Roses\" (2016) з пабліка vk.com/freeteam


Сяргей Балахонаў еще тексты