Сяргей Балахонаў - Пальцы жоўтых кляновых лістоў / верш Уладзіміра Дубоўкі | Текст песни

• Тексты песен
• Сяргей Балахонаў
• Пальцы жоўтых кляновых лістоў / верш Уладзіміра Дубоўкі

Уладзімір Дубоўка

ПАЛЬЦЫ ЖОЎТЫХ КЛЯНОВЫХ ЛІСТОЎ
Пальцы жоўтых кляновых лістоў
мкнуцца восень схапіць за шыю.
Не парушаць яе хараство,
не парушаць лісты залатыя.

Клён у вокны забразгатаў,
адгукнулася каняю рэха.
Месяц рваў арэхі з куста,
раскідаў над сусветам арэхі.

Яны ў воўне блакітнай ляглі,
сумавала ў даліне ляшчына.
Летуценні не змерклі ў галлі,
летуценняў згасіць немагчыма.

Расцярушацца ў далі і ўвысь,
каб нагадваць аб светлым над чорным.
Ці таму, што сумуюць журавы,
ненасытна свіргочуць жорны?..

Ліставея не моўкне, шуміць
ад вясны да вясны на прасторах.
Поверх стрэх і муроў камяніц
я пабачыў яе учора...

Дзесь далёка галосіць сава,
небакрай апракінуўся жалем.
Людзі любяць душу прасаваць,
калі гэта душа чужая.

1925

Скарыстаны мінус FRIZI BB Beats з суполкі бясплатных рэп-мінусоў vk.com/freeteam

Сяргей Балахонаў еще тексты