Сяргей Балахонаў - Парушыўшы законы прыцягнення / на верш Аркадзя Куляшова | Текст песни

• Тексты песен
• Сяргей Балахонаў
• Парушыўшы законы прыцягнення / на верш Аркадзя Куляшова

Аркадзь Куляшоў

***
Парушыўшы законы прыцягнення,
Планетамі сярод другіх планет
Існуем мы з табой як выключэнне,
Мая любоў, — як свет і антысвет.

Ніколі мы адной не ходзім сцежкай,
Не дзелім хлеб і дзелім толькі соль,
Ты сустракаеш смутак мой усмешкай
І смуцішся, калі міне мой боль.

Адказваеш на мой сардэчны захад
Нязгодай, самай крыўднаю з нязгод.
Здаецца, павярніся я на захад,
Як тут жа ты павернешся на ўсход.

Аднак зямля б мая асірацела
I ўвесь сусвет ахутала б імгла,
Каб, выбухнуўшы раптам, адляцела
Ты ў невядомасць з хуткасцю святла.
1962

Выкарыстаны інструментал Syun Nakano "Tutorial" (2015) з сайта вольнай музыкі jamendo.com

Сяргей Балахонаў еще тексты