Сяргей Балахонаў - У праліўных дажджах [VibeatZ prod.] | Текст песни

• Тексты песен
• Сяргей Балахонаў
• У праліўных дажджах [VibeatZ prod.]

У ПРАЛІЎНЫХ ДАЖДЖАХ
У праліўных дажджах буяе лета,
пацвельваючы сонечныя дні.
Азёрнай гладдзю зрок душы распеты
парталы ў Залюстроўе адчыніў.

Скажы, куды твой шлях ідзе, Аліса?
У “Інстытуце часу” цішыня.
Жаўтун-Баўтун ў Гародні прызямліўся.
У Гомелі Знайдзён сеў на каня.

І серверы гараць агнём пунсовым,
і ў кузнях плавяць шчасце кавалі,
і юны скамарох гуляе словам,
і б’е Пярун з пасведчаннем Іллі.

Красуюць ружы проста ля чыгункі.
Шыпы шукаюць шыны чужаніц.
Садоўнік Франц выпісвае рахункі.
Шануюць шахматысты шчасны бліц.

У праліўных дажджах буяе лета,
пацвельваючы сонечныя дні.
Азёрнай гладдзю зрок душы распеты
парталы ў Залюстроўе адчыніў.

У праліўных дажджах буяе лета,
пацвельваючы сонечныя дні.
Азёрнай гладдзю зрок душы распеты
парталы ў Залюстроўе адчыніў.

Я з кратамі між львом і аднарогам –
ускосны ўтаймавальнік груш (не руж!) –
гуляю над запыленай дарогай,
не зняўшы перад Марсам капялюш.

Скарыстаны мінус VibeatZ \"Muzza battle r2\" (2013) з пабліка vk.com/freeteam

Сяргей Балахонаў еще тексты