Тұран - Қазақ Елі | Текст песни

• Тексты песен
• Тұран
• Қазақ Елі

Пай! Пай! Пай! Киелі неткен жер!
Батырлар дүрілдеп өткен жер.
Тұлпарлар дүбірлеп төккен тер,
Ғашықтар бір-бірін өпкен жер.

Сарылып сал-сері кеткен жер.
Бас иіп, иіскеп топырағын,
Тағзым жасамай өтпеңдер!

Мына өлке, мына аймақ, бұл маңда
Құлшылық етемін тұрғанға,
Құлшылық етемін құмдарға,
Тағзым жасаймын қырларға!

Шүкірлік етемін қашанда,
Осы бір Отанда тұрғанға!
Жазы бар жалынмен жандырған,
Қысы бар аязға қардырған.
Көктемі - балауса, балдырған,
Ал күзі - алып бір ақ қырман,

Ақ дәннен ақ нөсер жаудырған
Күрең нан жаңа алған тандырдан.

Көлденең көлбеген көкжиек
Қыранның қанатын талдырған,

Қырына еріксіз қондырған.

Пай! Пай! Пай! Киелі неткен жер!

Мен — Мен едім, Мен едім!
Мен Нарында жургенде
Еңіреп журген ер едім,
Исатайдың барында
Екі тарлан бөрі едім.
Қай қазақтан кем едім,
Бір қазақпен тең едім.

Өздеріңдей хандардың,
Қарны жуан билердің
Атандай даусын ақыртып,
Лауазымын көкке шаңыртып,
Басын кессем деп едім!

Тақта отырған хандардың
Төрде отырған ханымын
Қатын етсем деп едім.
Әлдилеген баласын
Жетім етсем деп едім.

Хан баласы ақсүйек -
Ежелден табан аңдысқан
Ата дұшпан сен едің,
Ата жауың мен едім!

Тұран еще тексты