Танат Мамырханов - Кантарда жауган жанбыр | Текст песни

• Тексты песен
• Танат Мамырханов
• Кантарда жауган жанбыр

Қай жылы еді, есімде жоқ, дала аппақ,
Біздің жақта жауып жатты-ай қар аппақ,
Алжасты ма жаңбыр жауды ей, бір күні
Ауыл жұрты қалған еді-ау алақтап.

Сормаңдаймын жанымды ұқсын енді кім?!
Сол жауынға ұқсап қалдым мен бүгін.
Қарғам мені ғашық еттің өзіңе,
Не болады, не болады ендігім

Бесігінде тербетілген бар ұлым
Бесік тербер бір бейбақтың жарымын.
Саған менің махаббатым не керек?
Жаздан ғана жауын күткен жарығым,

Бәрін білем, білем бәрін, сөз бар ма?
Сенің арнаң менікінен өзге арна
Сені сүймеу мүмкін емес алайда,
Шыққыр мынау маңдайымда көз барда

Не істе дейсің, көзімді ойып тасташы,
Кетейін мен қара түнмен астасып
Содан кейін жүрегімді ал суырып,
Екеуміздің мәлім сосын басқасы,

Сормаңдаймын жанымды ұқсын енді кім?!
Сол жауынға ұқсап қалдым мен бүгін
Мен қаңтарда жауған жаңбыр болдым-ау,
Не болады, не болады-ей ендігім.

Танат Мамырханов еще тексты