Тати­ - Хаарчааналыын көрсүһүү | Текст песни

• Тексты песен
• Тати­
• Хаарчааналыын көрсүһүү

Үөрүүлээх бу күнү өйдөтөн
Үүт туран үрүҥ хаар үҥкүүлүүр
Өҥ дьылы үтүөнү төлкөлөөн
Өлгөмнүк даҕаны үллүктүүр

Припев:
Кыраман ыраахтан түһэннэр
Кыырпахтар кыырайа көттүлэр
Кырсалаах кыраайбар түмсэннэр
Кыһыҥҥы саҕынньах тиктилэр

Эн кэлбит үөрүүгүн үллэстэн
Этиэхтэн үчүгэй кэм кэлбит
Эйигин уруйдаан хаар түстэ
Эрэллээх кэскилим эн эбит

Припев:
Иннибэр үөрүүлээх күннэрим
Хаарчаанам үҥкүүтүн түһэриҥ
Кыыдааннаах кыһыным кэлэрин
Эдэрбин эргитэн көрсүһүҥ

Баар этэ күлүмнүүр күөх сааһым
Баар этиҥ ырыалаах сайыным
Күлбүтэ көмүстээх күһүнүм
Кэллэҕиҥ бу хаардаах кыһыным

Припев:
Оо күндү Хаарчаанам барахсан
Олус да эн дьикти кэрэҕин
Аны дьэ сүтүмэ арахсан
Айманна мин уйан сүрэҕим