Татьяна Фоминых - Такмак-влак | Текст песни

• Тексты песен
• Татьяна Фоминых
• Такмак-влак

1) Муралтена мо вара?
Шÿшкалтена мо вара?
Тиде кечым веселан
эртарена мо вара?

2) Айда йолташ тыҥ тошкалын
Мöр олыкыш волена
Айда йолташ ваш шогалын
Тазан лекмеш куштена

3) Ок кÿл куэн кÿкшыжо
Лийже тудын укшыжо
Ок кÿл тыйын моторжо
Лийже тудын ушыжо

4) Кече лектеш, ончалеш
Шея лупсым кошталеш
Чонлан шерге йолташемжым
Шÿм йÿлалтын йöратем

5) Садын чевер олмаже
Кайык чоным йÿлалта
Тыйын мотор кап-кылетше
Мыйын чоным йÿлалта

6) Йÿр йÿреш гын, лум лумеш гын
Корно лавыран лиеш
Еҥ ойла гын, мыскыла гын
Илаш куштылго лиеш

7) Рашт-рушт тошкалам
Пурса пырчым шавалтем
Лыве гае пöртын, модын
Торъял койшым ончыктем

8) Ой йолташем каваш ончал
Каваште шÿдыр йÿла
Каваште шÿдыр йÿла да
Тыйын верч чонем йÿла

9) Илышыште чылажат
Лиеш тудо тÿрло жап
Келшымаш, кудалтымаш
Вара угыч вашлиймаш

10) Кидем кылма, рÿзалтем
Йолем кылма, тавалтем
Чонем йÿлаш тÿҥалеш гын
Муралтем да тавалтем

11) Мотор ÿдыр, мотор каче
Ваш йöратен илыза
Ваш йöратен илыза да
Кужу ÿмыран лийза

12) Мурен, мурен эртыже
Шÿшкен шÿшкен эртыже
Мемнан рвезе ÿмырнажым
Мурен шÿшкен эртыже

Татьяна Фоминых еще тексты