Текеланы (Къазанчыкъланы) Махмуд - Багъыучулагъа | Текст песни

• Тексты песен
• Текеланы (Къазанчыкъланы) Махмуд
• Багъыучулагъа

Макъамы, сёзлери да - Текеланы (Къазанчыкъланы) Махмудну.

Ол сиз сюйген таула саргъалгъандыла.
Къар джаууб тебреди башлагъа...
Бюсюреу, махтау бютеу миллетден
Сизнича таулу джашлагъа.

Сизни таныгъанла сизни атыгъызны
Хар къайда махтау бла айталла.
Джашаудан тюнгюлюб, сизге баргъанла,
Къууаныб, джашнаб, къайталла...

Къуш да учмайды къанатсыз, тенгле -
Къанат керекди учаргъа.
Алтыннга бёлесенг да, джокъду андан файда -
Саулукъ керекди джашаргъа.

Сиз этген саугъаны: «Ауушдур», - деселе,
Мен бералмам алтын къалагъа.
Сизни къолугъуздан чыкъгъан адамлагъа -
Къалай багъалыды алагъа!

Бир насыблыгъа берилед ол болум -
Хар неси сизнича болургъа.
Сиз миллетлеге алай керексиз,
Хауа керекча, солургъа.

Атагъыз, анагъыз сизни ёсдюргенле,
Ой, миллет ючюн, саугъагъа.
Сизнича джашла энтда кёб туусунла
Ол сиз а ёсген таулагъа!

Текеланы (Къазанчыкъланы) Махмуд еще тексты