Гуру Песен Популярное
А Б В Г Д Е Ж З И К Л М Н О П Р С Т У Ф Х Ц Ч Ш Э Ю Я
# A B C D E F G H I J K L M N O P Q R S T U V W X Y Z

●Тенгиз Габаев - Зикир● | Текст песни

зикр на стихи Кязима Мечиева

Аллахха махтау

Махтау болсун бир Аллахха бу келям!
Файгъамбаргъа болсун салауат-салам!
Сора болсун – асхабына, алина!
Андан сора – муслийманны барына!

Ай, мукъмин ай, тынгыла бу сёзлеге;
Жилямукъла келир, эштсенг, кёзлеге.
Алдатмай тур кесинги дуния малгъа,
Ышанмай тур келип къаллыкъ ажалгъа.

Амал эт, эркинлик къолдан кетгинчи,
Къайгъынгы кёр, ажал санга жетгинчи.
Узун тутма бу дунияда амалны,
Унутмай тур санга келлик ажалны.

Кёп жыйма бу дунияны кир малындан,
Санга айтама ёлмекликни халындан:
Ёлюр ауруу тийип, алай жатарса,
Бир заманда, уянып, кёзюнгю ачарса.

Къаргъанырса – къоймай намаз къылыргъа,
Мюлкюнгю берип, башынгы жулургъа.
Этгенлеринг тюше башлар эсинге,

Къоркъуу келир ол заманда кесинге.
Къабыл болмаз ол заманда сёзлеринг,
Бу дуниягъа къарай кетер кёзлеринг.
Азырайыл алыр сени жанынгы,

Олсагъатдан тюзетирле санынгы.
Моллала къангагъа салып жууарла,
Эки къаты акъ бла да чулгъарла.
Жансыз атха салып, жолгъа чыгъарла,

Ахлуларынг сени ызынгдан жилярла.
Жамауатынг санга намаз къылырла.
Элтип сени тар къабыргъа салырла.
Терк къуярла юсюнге анда топуракъ...

Жан кирир да, къобарса сен къоркъаракъ.
Ол заманда билирсе ёлгенинги,
Кёрюрсе тар къабыргъа киргенинги.
Къулакъ салырса анда келямлагъа,

«Сауман!» – деп къычырырса адамлагъа.
Бир адам да эштмез анда сёзюнгю,
Кёрюрсе къабырда жангыз ёзюнгю.
Адамла да, кёмюп, къайтып кетерле.

Мычымайын Мункир, Накир жетерле.
Аллах, файгъамбардан сууал этерле,
Уллу гитче къой май, алай тинтирле.
Ашхы болсанг, сени ариу кёрюрле,

Бири соруп, бири жууап берирле.
Бек сурарла: «Айтчы!» – деп намазынгдан,
Хыйыуанла жилярла ауазынгдан.
Мункир урса – сени кёкге миндирир,
Накир урса – сени жерге сингдирир…

1910


Статистика страницы на pesni.guru ▼
Просмотров сегодня: 1
Видео
Нет видео
-