Тийижир ядайди - РикI хъутIкьунна (Халкьдин мани) | Текст песни

• Тексты песен
• Тийижир ядайди
• РикI хъутIкьунна (Халкьдин мани)

хабар тушиз зунни зи яр бахчада
гьикl ятlани сад садал дуьшуьш хьана,
гьикl ятlани сад садал дуьшуьш хьана.

рикl хъутlкьунна, мез галкlана, чlал кьуна,
рикl хъутlкьунна, мез галкlана, чlал кьуна.
чи кьведанни чинин ранг дегиш хьана,
чи кьведанни чинин ранг дегиш хьана.

кlан хьана заз адаз рикlин гаф лугьун,
ачух ийиз жуван михьи рикl къалун,
ачух ийиз жуван михьи рикl къалун.

хьанач завай мадни инал гьич рахун,
хьанач завай мадни инал гьич рахун.
жув жувавай квахьна лап чашмиш хьана,
жув жувавай квахьна лап чашмиш хьана.

зи гъилевай зи ярдин лацу гъилер,
муьгьуьббатдин цlув ацlана шад рикlер,
муьгьуьббатдин цlув ацlана шад рикlер.

кlандай чlавуз башламишиз хуш сефер,
кlандай чlавуз башламишиз хуш сефер.
инал, дустар, зи ахвар битмиш хьана,
инал, дустар, зи ахвар битмиш хьана.

бахча тушир, зун авайди чи кlвал тир,
Дури тушир, заз акурди ахвар тир,
Дури тушир, заз акурди ахвар тир.

зи кlани яр гзаф залай яргъал тир,
зи кlани яр гзаф залай яргъал тир.
икl хьайила рикl къене чашмиш хьана,
икl хьайила рикl къене къизмиш хьана.

Тийижир ядайди еще тексты