Тимергалиева Хамдуна - Бахет юллары | Текст песни

• Тексты песен
• Тимергалиева Хамдуна
• Бахет юллары

Бәхет юллары
Луиза Батыр-Болгари көе Гөлшат Зәйнәшева сүзләре

Юлда йөрсәм, никтер күңелем
Яктыра матур уйлардан.
Нинди серләр бардыр офыкта? —
Чакыра әллә кайларга.

Юлга чыксам, җырлап барам,
Моң уяна йөрәкләрдә.
Әллә сөйгән ярым көтә микән,
Көтә бәхет дигән төбәкләрдә?

Илем иркен, юллар киң, озын,
Иге-чиге юк юлларның.
Тели күңелем һәр кешенең
Җирдә бәхетле булганын.

Юлга чыксам, җырлап барам,
Моң уяна йөрәкләрдә.
Әллә сөйгән ярым көтә микән,
Көтә бәхет дигән төбәкләрдә?

Юлда йөрсәм, никтер күңелем
Очар коштай канатлана.
Әйтерсең лә балачагым
Һәм яшьлегем кабатлана!

Юлга чыксам, җырлап барам,
Моң уяна йөрәкләрдә.
Әллә сөйгән ярым көтә микән,
Көтә бәхет дигән төбәкләрдә?