Тимур Ямалов - Әкиәт | Текст песни

• Тексты песен
• Тимур Ямалов
• Әкиәт

Йәһәннәмдән иҫкән елдәр
Һис тә тиккә түгелдәр.
Ҡара төҫкә ингән ниңә
Кисәге аҡ келәмдәр?..
Тышта ҡупҡан ғәрәсәт
Дауам итер бер сәғәт.
Ә мин һиңә һөйләйем
Иң ҡурҡыныс әкиәт.
Әкиәттән зыяраттың
Һалҡын тыны бөркөлә,
Әкиәттә һуҡыр батша
Бер илай ҙә бер көлә.
Әкиәттә үгәй ҡыҙҙың
Табылмаған бәхете,
Алтын сәсле һылыуҡайҙың
Йыланға мөхәббәте.
Әкиәттә яуыз юха
Батырҙың өҙә башын,
Уның һөйәктәре менән
Биҙәй ҡанлы ҡыуышын.
Әкиәтем аҙағында
Үлем итә тантана,
Моңһоу ҡурайым осонан
Ҡан тама ла ҡан тама.…
Бына тамам әкиәтем,
Дауыл да тымды тышта.
Тик һин генә ҡалтырайһың
Беҙҙең йылы ҡыуышта…

Тимур Ямалов еще тексты